MAHAKAMA
ya Hakimu Mkazi Kisutu, Dar es Salaam leo imemuhukumu Katibu wa Jumuiya na
Taasisi za Waislamu , Shekhe Ponda Issa Ponda kwenda mwaka mmoja jela. Kesi hiyo inawakabili jumla ya washtakiwa 53 ambao walikuwa wafuasi wa katibu huyo.
Hakimu Sundi Fimbo alitoa hukumu hiyo asubuhi ya leo mahakamani hapo huku upande wa mashtaka ukiongozwa na wakili wa serikali, Bernad Kongola. Awali ilidaiwa kuwa washtakiwa hao kwa pamoja walidaiwa kufanya maadamano haramu february 15 mwaka huu kwenda katika ofisi za DPP ambapo maandamano hayo yalizuiliwa na jeshi la polisi na wao
walikaidi agizo hilo.
Hivyo kutokana na kukaidi zuio hilo baadhi ya maeneo ya jiji yalilazimika kutoweka amani kwa kuwa jeshi la polisi lililazimika kutawanya mikusanyiko iliyowekewa na wafuasi hao hivyo kusababisha uvunjifu wa amani nchini.
