JIONEE WAKE ZA WATU WALIVYOFANYIWA KITU MBAYA
Wanawake a.k.a mijimama ya nguvu, wakazi wa Vibandani mjini morogoro, wamezua timbwili baada ya kufanyiana tukio la aibu na la kihistoria.
Wanawake hao ambao baadhi walidaiwa kuwa ni wake za watu, walinaswa wakifanya shindano lisilo rasmi la kukata nyonga hadi kuvua nguo hadharani na baadaye kuanzishiana.
Tukio hilo lililoshuhudiwa na paparazi wetu lilijiri ndani ya Ukumbi wa Mango Garden uliopo Nunge, Morogoro Mjini, mwishoni mwa wiki iliyopita ambapo wanawake hao walikuwa kwenye sherehe ya kumfunda mwenzao ‘kicheni pati’ aliyekuwa akijiandaa kuolewa.Awali, wanawake hao (majina hayakupatikana), walianza kucheza muziki wa mwambao ‘mdogo mdogo’ lakini kadiri muda ulivyosonga ndivyo walivyokuwa wakibadilisha staili ya ukataji wa mauno hadi kufikia hatua ya kuvuana nguo na kurushiana mateke.
Katika hatua ya kusaka ushindi kwenye mpambano huo, mmoja wao alipandwa mzuka kilipopigwa Kibao cha Alamba cha Kundi la Taarab la Jahazi Modern linaloongozwa na Mzee Yusuf ‘Mfalme’ na kuzua timbwili huku wanawake hao wakigeuza eneo hilo uwanja wa vurugu kutokana na kuzidiwa na kilevi.Hata hivyo, mtiti huo ulitulizwa na baadhi ya watu wenye heshima zao ambapo waliwataka wanawake hao kusitisha zoezi hilo kwani lilikuwa linawaibisha wao na mwenye shughuli yake.
